Iðjuþjálfun og félagsstarf á hjúkrunarheimilinu Hömrum hefur það að markmiði að veita íbúum heimilisins tækifæri til þátttöku í þeirri iðju sem hefur þýðingu fyrir þá og veitir þeim lífsfyllingu. Boðið er upp á einstaklingsþjálfun sem og hópþjálfun þar sem iðja er höfð í forgrunni. Starfsemin fer ýmist fram í vinnustofu iðjuþjálfunar eða á deildum íbúa. Iðjuþjálfar sjá einnig um að meta þörf fyrir og sækja um hjálpartæki, t.d. hjólastóla og sessur í þá.
Markmið iðjuþjálfunar er að auka þátttöku, viðhalda og/eða efla færni einstaklings í þeirri iðju sem hann hefur áhuga á, vilja og getu til að framkvæma.
Á deildinni eru 5 starfsmenn, þar af einn iðjuþjálfi, einn músíkmeðferðarfræðingur og þrír aðstoðarmenn iðjuþjálfa.
Tengiliður iðjuþjálfunar á Hömrum:
María Haukdal
mariahaukdal@eir.is
Yfiriðjuþjálfi er:
Guðrún Ása Eysteinsdóttir
Netfang: gudrunasa@eir.is
