Eir, Skjól og Hamrar hjúkrunarheimilin leggja áherslu á að vera góður vinnustaður fyrir alla. Við teljum mannauðinn vera lykilinn að árangri og velgengni í þjónustu okkar og rekstri. Hjá okkur starfar fjölbreyttur hópur fólks sem hefur það sameiginlegt að þjónusta íbúa og aðra þjónustuþega samsteypunnar.
Mannauðssvið
Hjá Eir, Skjóli og Hömrum hjúkrunarheimilum starfa mannauðsstjóri, mannauðsráðgjafar og verkefnastjóri ásamt tveimur skrifstofumönnum. Markmið deildarinnar er að veita stjórnendum og starfsfólki heimilanna stuðning og þjónustu í mannauðstengdum málum. Hlutverk þeirra er einnig að tryggja að mannauðsmarkmiðum stofnunarinnar sé fylgt eftir.
Til að hafa samband við mannauðsdeilina er best að senda tölvupóst á netfangið: mannaudsdeild@eir.is
Framkvæmdastjóri mannauðssviðs er Helga Sigurðardóttir.
Vinnustaðurinn
Hjá Eir, Skjóli og Hömrum starfa um það bil 650 starfsmenn. Öll starfsemi heimilanna grundvallast á þjónustu við íbúa hvort sem þeir búa á hjúkrunarheimili eða í tengdum öryggisíbúðum.
Við bjóðum upp á skapandi og skemmtileg störf í fjölbreyttum hópi starfsmanna. Hjá okkur starfar öflugur hópur fagfólks í samvinnu við aðra starfsmenn. Eir, Skjól og Hamrar hafa það að leiðarljósi að bjóða starfsfólki upp á örvandi starfsumhverfi þar sem möguleikar eru á að þróast og vaxa í starfi.
Við bjóðum upp á heilsuræktarstyrk og niðurgreiddan mat í mötuneyti.
