Dögg Harðardóttir hefur verið ráðin í starf forstöðumanns hjúkrunar á Skjóli og mun hún hefja störf 1. október 2020. Dögg lauk B.Sc. námi í hjúkrunarfræði frá Háskóla Íslands 1992, uppeldis- og kennslufræði frá Háskólanum á Akureyri árið 2000 og 60 ECTS diplómanámi í heilbrigðisvísindum með áherslu á stjórnun frá Háskólanum á Akureyri 2011.
Dögg hefur víðtæka reynslu og langan starfsferil innan heilbrigðisgeirans. Ef stiklað er á stóru þá hefur Dögg unnið á ýmsum deildum Landspítalans, sinnt kennslu, unnið sem hjúkrunarfræðingur og deildarstjóri á Öldrunarheimili Akureyrarbæjar ásamt því að hafa starfað sem deildarstjóri á dag- og göngudeild augnlækninga á Landspítalanum frá árinu 2012 til ársins 2020.
Við hlökkum til að taka á móti Dögg og bjóðum hana hjartanlega velkomna!
