Heil og sæl,
Eitt af því sem Covid-19 faraldurinn er að kenna okkur er sveigjanleiki og að bregðast hratt við breytingum. Nýlega gáfu Almannavarnir út nýjar reglur varðandi ferðalög erlendis. Í framhaldi af því hefur verið ákveðið að:
Starfsmenn og heimsóknargestir sem koma frá svæðum sem ekki eru skilgreind áhættusvæði skv. Sóttvarnalækni (sem eru Grænland, Færeyjar, Noregur, Finnland, Danmörk og Þýskaland) þurfa hvorki að fara í sýnatöku á landamærum né heimkomusmitgát/sóttkví frá og með 16. júlí 2020. Þessir aðilar mega því koma til vinnu og/eða í heimsóknir án sérstakra varúðarráðstafanna umfram aðra.
Minnt er á mikilvægi þess að gæta varúðar í allri umgengni og stunda sóttvarnir af kappi til að gæta öryggis heimilismanna og ástvina.
Þá minnum við einnig á, að sem fyrr mega gestir ekki koma í heimsókn ef þeir:
- Eru í sóttkví
- Eru í einangrun (einnig meðan beðið er niðurstöðu úr sýnatöku)
- Hafa verið í einangrun vegna COVID-19 smits og ekki eru liðnir 14 dagar frá útskrift
- Eru með einkenni (kvef, hósta, hita, höfuðverk, beinverki, þreytu, kviðverki, niðurgang o.þ.h.).
Kær kveðja,
Stjórnendur Eirar, Hamra og Skjóls
