26. mars 2020
Gengið hefur vel á heimilunum Eir, Skjóli og Hömrum. Enn sem komið er höfum við náð að halda Covid-19 frá okkur og höldum áfram okkar striki í því að verja íbúa eins og kostur er.
Eins og tilmæli voru frá Landlækni er búið að loka tímabundið þjónustu hárgreiðslustofu, fótaaðgerðarfræðings og snyrtifræðings.
Sjúkraþjálfarar og iðjuþjálfar sinna áfram þjálfun íbúa á heimilisdeildum, en á varkárari hátt, færri í einu og minni nánd. Einn ákv. þjálfari fyrir hverja deild.
Við hvetjum alla til að nýta sér spjaldtölvurnar sem komnar eru á heimiliseiningarnar, þar er hægt að hringja myndsímtal við vini og ættingja. Það gleður fólkið okkar svo mikið að fá að sjá ykkur og heyra hvernig ykkur gengur. Upplýsingar um hvenær og hvernig er best að ná í fólk er hjá deildarstjóra á hverri deild.
Við þökkum fyrir falleg orð og hvatningar frá ykkur, það er gott að finna að hvað allir standa saman á þessum erfiðu tímum.
Kveðja,
Starfsfólk Eirar, Skjól og Hamra
