Kæru starfsmenn og aðstandendur,
Í ljósi þess að COVID-19 smitum hefur fjölgað í þjóðfélaginu teljum við nauðsynlegt að bregðast við til að vernda íbúa heimilanna líkt og Landlæknir hvatti hjúkrunarheimili til að gera á fundi Almannavarna í gær 28. Júlí. Ákveðið hefur verið að takmarka þann fjölda sem kemur inn á heimilin á hverjum tíma á þann hátt að aðeins mega tveir aðstandendur heimsækja hvern íbúa og helst ekki börn undir 14 ára aldri.
Heimsóknarreglur:
- Aðeins tveir aðstandendur mega heimsækja hvern íbúa hverju sinni. Biðlað er til aðstandenda að skipuleggja heimsóknir sín á milli svo ástvinur þeirra fái ekki fleiri en eina heimsókn daglega.
- Heimsóknargestir eru beðnir um að gæta ítrasta hreinlætis og spritta hendur sínar í upphafi heimsóknar og í hvert sinn sem hann þarf að snerta sameiginlega fleti.
- Heimsóknargestir fara stystu leið beint inn á herbergi íbúans eins og kostur er.
- Vinsamlegast virðið 2ja metra regluna
- Að lokum eru heimsóknargestir beðnir um að fara stystu leiðina út og snerta sem minnst sameiginlega snertifleti.
**ATHUGIÐ að sem fyrr mega gestir ekki koma í heimsókn ef þeir;
a. eru í sóttkví
b. eru í einangrun (einnig meðan beðið er niðurstöðu úr sýnatöku)
c. hafa verið í einangrun vegna COVID-19 smits og ekki eru liðnir 14 dagar frá útskrift
d. eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).
**ATHUGIÐ: Þessar reglur verða endurskoðaðar eftir þörfum og eru því birtar með fyrirvara um breytingar.
Með kærri kveðju,
Sýkingavarnateymi Eirar, Skjóls og Hamra
