25. september 2020
Upp er komin sú staða að við erum með einn íbúa á 2 hæð Suður í A-húsi Eirar sem hefur greinst jákvæður með Covid-19. Brugðist hefur verið við af festu, viðkomandi er kominn í einangrun og er ekki með nein covid einkenni enn sem komið er og líðanin eftir atvikum góð.
Til að gæta fyllsta öryggis er öll deildin, 2. hæð Eirar A-húsi lokuð fyrir heimsóknum á meðan á einangrun og sóttkví stendur.
Annars gilda neðan greindar reglur áfram fyrir aðrar deildir heimilanna:
Frá og með 21.september verður húsið læst og boða þarf komu sína til vakthafandi hjúkrunarfræðings eða deildarstjóra á viðkomandi deild. Gestir eru beðnir um að bera viðurkennda grímu og spritta hendur eftir snertingu við sameiginlega fleti s.s. lyftuhnappa, hurðarhúna, handrið o.þ.h.
- Heimsóknartími er á milli 15:00 og 18:00 á hverjum degi
- Aðeins einn aðstandandi má heimsækja hvern íbúa, í klukkutíma í senn á degi hverjum.
- Áfram þarf að skrásetja komu sína í hvert sinn
- Gestir eru beðnir að gæta að 2ja metra reglunni og forðast beina snertingu við íbúa.
- Heimsóknargestir NOTA grímu og eru beðnir að gæta ítrasta hreinlætis og spritta hendur sínar í upphafi heimsóknar og í hvert sinn sem hann þarf að snerta sameiginlega fleti.
- Heimsóknagestir fara stystu leið beint inn á herbergi íbúans eins og kostur er og stystu leiðina út.
- Stranglega bannað er að dvelja í sameiginlegum rýmum heimilisins.
- Undir sérstökum kringumstæðum er hægt að veita undanþágu frá þessum reglum og er það deildarstjóri eða hjúkrunarfræðingur á vaktinni sem tekur slíkar ákvarðanir
Íbúi getur farið út af heimilinu til að sinna brýnum erindum, s.s. læknisheimsóknir og því um líku. Mælst er til þess að íbúar fari ekki á hópfagnaði og forðist með öllu verslunarferðir og heimsóknir meðan þessi þriðja bylgja gengur yfir.
Aðstandendur eru hvattir til að hlaða niður smitrakningarappi almannavarna.
