25. maí 2021
Kæru aðstandendur,
Núna hafa orðið verulegar tilslakanir á samkomutakmörkunum og grímuskyldu í samfélaginu. Enn eru þó heimsóknartakmarkanir á heimilunum því ekki allir starfsmenn hafa fengið seinni bólusetninguna. Á áætlun er að aflétta öllum heimsóknartakmörkunum þann 1. júní næstkomandi. Þangað til gildir eftirfarandi:
- Heimsóknartími er á milli 15:00 og 18:00 á virkum dögum
- Heimsóknartími er á milli 13:00 og 18:00 um helgar
- Helst ekki fleiri en tveir gestir í einu í heimsókn. Hver íbúi má þó fá fleiri en eina heimsókn innan heimsóknartímans og heimsóknin fer fram í vistarveru íbúans.
- EKKI er heimilt að dvelja í sameiginlegum rýmum á meðan á heimsókn stendur.
- Gestir eru beðnir um að gæta hófsemi, sér í lagi þegar um ræðir tvíbýli.
- Gestir eru beðnir að gæta að 2ja metra reglunni og forðast beina snertingu við íbúa.
- Gestir eru beðnir um að spritta hendur sínar í upphafi heimsóknar og fyrir og eftir snertingu við sameiginlega fleti, s.s. lyftuhnappa, hurðarhúna, handrið o.fl..
- Að sjálfsögðu er heimilt að bjóða ástvinum út, í bíltúra og/eða heimsóknir. Gæta þarf að fjöldatakmörkum samfélagsins.
- Líkt og áður, biðlum við til gesta að mæta ekki hafi þeir einhver einkenni og/eða eru í sóttkví eða einangrun.
GRÍMUSKYLDA
- Grímuskylda gesta hefur verið aflétt – óbólusettir gestir eru þó hvattir til að nota áfram grímur, sér í lagi á sameiginlegum svæðum.
- Þeir starfsmenn sem hafa ekki þegið eða ekki getað fengið bólusetningu munu áfram nota grímu við vinnu sína á heimilinu enda starf sem krefst mikillar nándar við íbúa og samstarfsfólk.
Áfram viðhöldum við að sjálfsögðu góðum sóttvörnum – sinnum vönduðum handþvotti og þrifum ásamt því að sótthreinsa snertifleti reglulega. Við – og þið!
