Search

UPPFÆRT: Takmarkanir á heimsóknum

Kæru aðstandendur

Samráðshópur á vegum Landlæknisembættisins hefur sent hjúkrunarheimilum tillögur að ráðstöfunum til að grípa til þess að vernda íbúa. Við þurftum að aðlaga fyrri takmarkanir aðeins að þessum leiðbeiningum. Breytingarnar eru feitletraðar: 

Ákveðið hefur verið að takmarka þann fjölda sem kemur inn á heimilin á hverjum tíma á þann hátt að aðeins má einn aðstandandi  heimsækja hvern íbúa á degi hverjum og ekki börn undir 14 ára aldri.

Heimsóknarreglur:

  • Aðeins einn aðstandandi má heimsækja hvern íbúa hverju sinni. Biðlað er til aðstandenda velja einhvern einn sem heldur sig í hálfgerðri sjálfskipaðri sóttkví, ef hægt er.
  • Heimsóknargestir eru beðnir að gæta ítrasta hreinlætis og spritta hendur sínar í upphafi heimsóknar og í hvert sinn sem hann þarf að snerta sameiginlega fleti.
  • Heimsóknagestir fara stystu leið beint inn á herbergi íbúans eins og kostur er.
  • Vinsamlegast virðið 2ja metra regluna
  • Að lokum eru heimsóknagestir beðnir um að fara stystu leiðina út og snerta sem minnst sameiginlega snertifleti.

**ATHUGIÐ að sem fyrr mega gestir ekki koma í heimsókn ef þeir;

a. eru í sóttkví

b. eru í einangrun (einnig meðan beðið er niðurstöðu úr sýnatöku)

c. hafa verið í einangrun vegna COVID-19 smits og ekki eru liðnir 14 dagar frá útskrift

d. eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

**ATHUGIÐ: Þessar reglur verða endurskoðaðar eftir þörfum og eru því birtar með fyrirvara um breytingar.

Með kærri kveðju,
Sýkingavarnateymi Eirar, Skjóls og Hamra

Deila

Meira

Geta eytt meiri tíma með íbúum

Hjúkr­un­ar­heim­il­in Eir, Skjól og Hamr­ar hafa und­ir­ritað samn­ing við heil­brigðis­tæknifyr­ir­tækið Hel­ix um inn­leiðingu á lausn­un­um Iðunni og Lyfja­vaka. Í frétta­til­kynn­ingu seg­ir að lausn­irn­ar muni bæta

EIR endurhæfing

Á Eir hefur verið starfandi brota-endurhæfingardeild fyrir aldraða um langt skeið með góðum árangri. Svo góðum árangri reyndar að haustið 2022 stækkuðum við deildina um