Tag: SKJÓL

15. desember kom Margrét  Eir, söngkona til okkar og heillaði alla með söng sínum og útgeislun.

13. desember komum við saman í salnum að gera jólaskreytingar. Efniviður var körfur, greni og hýasintur og alls kyns jólaglingur. Vinnugleðin var ríkjandi og hver skreytingin af fætur annarri  stórglæsileg.

12. desember var smákökubakstur í boði fyrir 5. og 6. hæð. Jólagleðin var ríkjandi við ljúfa jólatónlist og ekki var verra þegar smákökuilmurinn barst vitum. Í kaffinu voru svo smákökur í boði ásamt heitu súkkulaði með rjóma.

9. desember var smákökubakstur og jólaskreytingargerð í Laugaskjóli. Jólagleði ríkjandi með jólalögin ómuðu. Að lokum settumst við fengum við okkur smákökur, kaffi og jólaglögg saman.

8. desember héldum við aðventuhátíð. Séra Sigurður Jónsson byrjaði hátíðina með góðum orðum og bæn. Næst komu 4 ungar stúlkur úr Skólahljómsveit Austurbæjar ásamt stjórnanda sínum Vilborgu Jónsdóttur, þær spiluðu fyrir okkur nokkur jólalög. Að lokum fengu allir jólaglögg og piparkökur áður en farið var upp.

7. desember fengum við góða heimsókn frá leikskólanum Laugasól. 5 ára börn komu og sungu með okkur og fyrir okkur. Á eftir fengu þau góðgæti fyrir.

Mánudaginn 5. desember var smákökubakstur fyrir 3. og 4. hæð. Við vorum samankomin í salnum og áttum góða stund með jólatónlist í bakgrunni. Mikil vinnugleði ríkti og ekki verra þegar smákökuilmurinn bættist við. Í kaffinu voru svo smákökur og heitt súkkulaði með rjóma í boði.  

Við héldum fullveldisdaginn hátíðlegan og buðum til samkomu í salnum. Saga dagsins var rakin. Svo fengum við góðan gest, Sigurbjörn Þorkelsson sem fór með óð til aldraða. Að lokum voru fróðleiksmolar fluttir um jólaföstuna.

Við héldum dag íslenskrar tungu hátíðlegan, sem var 16. nóvember. Við fengum góða gesti. Nemendur frá tónlistarskólanum í Reykjavík sem sungu og spiluðu á píanó. Einnig komu ritlistarnemar og lásu fyrir okkur sögur eftir sig. Að lokum lokum las Þórhalla nokkur ljóð.

Mánudaginn 14. nóvember vorum við með vöfflubakstur  og skemmtilegheit. Góð tónlist, spjall og allir að hjálpast að við verkið. Að baka vöfflurnar, þeyta rjóma, setja sultur í skál og leggja á borð.